Elçin Ehtibar oğlu Əkbərov 05.07.1985-ci ildə Şəki şəhərində anadan olmuşdur.

1991-2002-ci illərdə Şəki şəhəri 7 saylı orta məktəbdə, 2002-2006-cı illərdə Azərbaycan Dövlət İqtisad Universitetində BİM (XİQ) üzrə bakalavr, 2006-2008-ci illərdə həmin universitetdə Maliyyə üzrə MBA, 2012-2015-ci illərdə İqtisadiyyat Nazirliyi yanında İqtisadi İslahatlar Elmi-Tədqiqat İnstitutunda doktorantura təhsili almışdır.

2017-ci ildə Amerika Birləşmiş Ştatlarında, 2018-ci ildə Almaniya Federativ Respublikasında ümumi idarəetmə və aqrar layihələrin idarə edilməsi üzrə təlim keçmişdir.

2006-cı ildən müxtəlif özəl təşkilatlarda mütəxəssis, 2010-cu ildən rəhbər vəzifələrdə çalışmışdır. 2016-cı ildən etibarən sahibkarlıq və ictimai fəaliyyət ilə məşğuldur.

İngilis və rus dillərini sərbəst bilir.

Ailəlidir, iki övladı var.

(+994 50) 500 06 65
[email protected]

Sevda Qasımova 1990-cı ildə Azərbaycan Slavyan Universitetini bitirib. Universiteti bitirəndən sonra pedaqoji fəaliyyətlə məşğul olub. Daha sonra televiziya sahəsində jurnalist olaraq fəaliyyət göstərib. 2011-ci ildən etibarən orqanik sabun istehsalı ilə məşğul olmağa başlayıb. Daha sonra isə Moskvada qabaqcıl, innovative sabun istehsalını öyrənib. Sevda Qasımova öz brendini 'Gasimov Təbii əl işi Sabun' şirkətini təsis edib. 10 ildir ki, bu istiqamətdə fəaliyyət göstərir.

Ramil Əzməmmədov bakalavr təhsilini Azərbaycan Dövlət Aqrar Universitetində Kənd Təsərrüfatının İqtisadiyyatı və Magistr təhsilini isə FAO təqaüdü ilə Macarıstanın Sent İstvan Univesitetində Regionların İnkişafı və Aqrobiznes sahəsində almışdır.

2015 - 2021 ci illərdə Azərsun Holding və Agro Food İnvestments şirkətlərinin iri həcmli aqrar layihələrində çalışıb. Asia İnkişaf Bankının layihələrində yerli expert kimi fəaliyyət göstərib. Hazırda fermerlərə onlayn xidmət göstərən 'Dr. Agro' startapının və 'Bifox' gübrə istehsalı şirkətlərinin həmtəsisçisidir.

Əlizadə Elmar Əlibala oğlu 1994-ci ildə Azərbaycan Dövlət Neft və Kimya Akademiyasını (Neft və mədən fakültəsi), 2004-cü ildə isə Bakı Dövlət Universitetini (Hüquq fakültəsi) bitirib. 2005-ci ildən etibarən AqriBioEkoTex MMC-nin təsisçisi və "Elm və İstehsal üzrə" direktor müavini kimi fəaliyyət göstərir.